室內掃街勝地

嚟到葵涌廣場呢一個室內掃街勝地，除咗啲舖頭轉得好快之外，就連食肆都轉得零舍快，隔一排冇嚟到又見到唔少新嘅特色小食店，真係體驗到日新月異。 😏雖然上層嘅餐廳小食店變化非常之多，但係喺地下嘅部份永遠都存在着孖寶車仔麵呢一間葵涌廣場嘅老字號。😌呢一度就好有懷舊車仔麵嘅感覺，我價錢方面呢到稍微平過出邊少少，所以值得品味吓😝 招牌車仔麵— 🍜唔想左揀右揀嘅話招牌車仔麵絕對係一個最好嘅選擇，🍜裏面就包含着經典車仔麵必備嘅材料，例如彈牙嘅陳皮魚蛋，🍢爽口嘅豬皮，大大粒嘅豬紅，煙煙韌韌嘅滷水豬腸，清湯白蘿蔔同埋滷水雞翼。 🍖至於面底都有唔少選擇，但係油面絕對係車仔麵嘅靈魂。 🍜可以再加埋辣汁咁樣味道更加好， 每一款配料都相當出色，尤其是蘿蔔佢哋亦都揀得非常之清甜，而且極少渣，每粒豬紅都必定係整齊冇缺口，豬皮同埋豬腸就非常之索湯底一咬就爆湯，非常滿足🍜 牛雜串— 🐮去到呢啲地方食返轉串牛雜亦都係唔少得，經典嘅牛雜，當然有牛蒡牛肺金錢肚同埋大腸，每一部位都有兩塊，🐮而且每一塊都唔細，配埋甜醬同埋芥茉醬又係一個正宗嘅街頭必食系列🐮 孖寶車仔麵 (葵芳) 葵芳葵富路7-11號葵涌廣場地下A15號舖 #UCreator#打卡美食#隱世打卡點#好去處#全新景點#chill#葵芳美食#葵芳#葵芳探店#葵芳掃街#香港車仔麵#葵芳晚餐#葵芳必食#葵芳廣場#葵芳好去處#葵廣必食#葵廣小食#葵廣打卡#香港美食#葵廣掃街#葵廣牛雜#港式牛雜#孖寶車仔麵#食勻全世界#素肌OK#lifehacks#櫻花樹下